3D mynd af gönguleiðinni (Google Earth!)
Jæja, eftir að hafa misst úr síðustu helgi þá var farið af stað enn og einu sinni. Í þetta sinn vorum við bara nokkuð mörg, alls voru mætt Andrés og Júlli, Sveinn og Stefnir og Alfred og Ellen. Við höfðum ætlað okkur að fara í göngu aðra hverja helgi en slepptum síðustu helgi vegna þess að Andrés hafði farið í aðgerð sem hafði með öndunarveginn að gera. Einnig vegna þessa þá var ákveðið að fara stutt og á frekar lágt fjall - á endanum varð Helgafellið í Hafnafjarðarhrauninu fyrir valinu.
Hópmynd á toppi Helgafells:
Leiðin sem við ætluðum að fara í dag var þessi:
Leiðin sem við fórum var þessi:
Ekki nema vona að úrið væri sífellt pípandi eitthvað um að við værum á rangri leið :-)
Annars tóku strákarnir Andrés og Sveinn myndir í þessari ferð og hef ég ekki fengið þær til mín enn. Þegar myndirnar eru komnar í hús þá mun ég klára textann en þangað til verðið þið bara að njóta GPS skrárinnar sem ég er nú búinn að setja á Wikiloc - sjá hlekkinn hér til hægri.
Upphaflega ætluðum við að ganga á Húsfellið en á leiðinni upp í Kaldársel þá skipti Andrés um skoðun - dagsformið var gott og ákveðið að fara á næsta fjall við, Helgafellið, sem er dálítið hærra. Það er stutt keyrsla upp í Kaldársel í Hafnarfirði svo við vorum fljót þangað.
Húsfell (fellið sem við fórum ekki á):
Í þetta sinn hafði GPS leiðin verið niðurhöluð í Garmin úrið og átti að vera ekkert mál að fylgja því - enda ör sem bendir þangað sem ganga skal. Þegar við stigum út úr bílnum og hófum gönguna var hins vegar lagt af stað í þveröfuga átt við það sem úrið benti. Lærum við ekki neitt? Munum við ekki eftir ferðinni uppá Hengil? Hvað með það - göngugörpum Ofar hópsins fannst vera augljóst hvert ganga skildi, sama hvað úrið segði. Enda hlaut úrið að átta sig og á endanum myndum við lenda inn á sömu braut og hlaðin hafði verið á úrið. Það gerðist hins vegar ekki, alla leiðina benti úrið beint til baka - úrið var víst eitthvað svekkt yfir að við skildum ekki hafa fylgt leiðinni sem ákveðin hafði verið og vildi því að við byrjuðum uppá nýtt. Af ofangreindum tveimur myndum má sjá hversu mikill munur er á leiðinni sem í úrinu var og svo þeirri leið sem við gengum. Næst ætlum við að fylgja úrinu betur, er það ekki strákar? Sjáum til hvernig það gengur :-)
Panorama mynd af Helgafelli:
Á leiðinni lentu unglingarnir Stefnir og Ellen í sínum eigin ógöngum. Stefnir missti til að mynda vettlinginn sinn og þurfti að rekja sig til baka þar til hann fannst. Ellen fékk að halda í Júlla og notaði hann náttúrulega tækifærið og þaut af stað. Ellen lyftist upp, flaug nokkra metra og lenti svo á maganum á snjónum og dróst á eftir hundinum. Frekar fyndið. Áður en gengið er á fjallið komum við svo að dálítilli mýri sem hafði frosið yfir - en ekki alveg nógu mikið samt - enda duttum við í gegn nokkrum sinnum en enginn blotnaði neitt af viti. Stefni tókst þó að stíga í gjótu eða eitthvað, lyfta fætinum upp og þá var skórinn rifinn þvert yfir ristina svo sokkaðar tærnar stóðu beint upp í vindinn. Úr plastpokanum var því Sæmundur (mjólkurkex) rifinn og pokanum skellt á tærnar og héldum við svo ótrauð áfram.
Það var dálítill vindur og haglél en samt ekkert óveður svo við vorum fljótlega komin á toppinn og skrifuðum þar í gestabókina. Þar uppi gengum við smá hring og svo niður aftur. Breyttum aðeins leiðinni og fórum niður skemmtilegt gil og smá bratta. Ekkert hættulegt þó, bara gaman. Þegar við vorum komin niður þá voru allir sammála um að þetta hefði verið of létt - Andrési leið vel og var ákveðinn í að bæta vel í að 2 viknum liðnum.
Að lokum var keyrt í Hrímfaxa í Heimsenda í þeirri von að Júlli mætti fara þar inn með okkur í kaffisopa. Þegar þangað var komið var annar hundur þar sem varði sitt svæði vel. Eftir að hundunum hafði lent saman var ljóst að heimalingurinn yrði í bandi á meðan á heimsókn okkar stæði og Júlli kallinn var hafður frammi á gangi. Þarna fengum við mannfólkið þó sitthvað heitt í kroppinn, skonsur, flatkökur og hjónabandssælu.
Að því loknu voru allir sáttir og keyrt heim á leið.
Hinn hagmælti meðlimur gönguhópsins, Andrés samdi og sendi okkur þetta ljóð:
Þættinum hefur borist ljóð
Á Helgafell við hófum ferð,
hópur hress og heitur.
Gönguferð af bestu gerð,
glæstar fjallageitur.
Upp á fell við fljót flugum,
firnasterk og fim.
Upp um gil og grjót smugum,
við veðragnauðsins glym.
Stolt á toppi stóðum öll,
um stund við andann drógum.
Gleðistund og hlátrasköll,
já, mikið sem við hlógum!
Niður snögg við vorum svo
í svigi niður hlíðar.
Á annað fjall við förum sko,
áköf innan tíðar!
Andrés tók líka myndir á leiðinni:
Þegar áð var á miðri leið gáðu Alfred og Ellen að nestinu:
Júlli þarf auðvitað að fá eitthvað líka:
Fallegt hvernig snjórinn hefur fokið í sandsteininn:
Sumir fóru nú bara upp í gallabuxunum þótt kalt væri:
Hvar eru sparifötin, Sæmundur?
Fallegt yfir að líta:
Ellen með kassan utan af gestabókinni:
Alfred skrifar í gestabókina:
Stefnir kominn á toppinn:
Fallegt yfir að líta II:
Alfred, Ellen og Júlli:
Alfred, Ellen og Júlli II:
"Fallegt" útsýni:
Allir nema Sveinn (gettu hvar hann var :-)
Ellen uppi á Helgafelli:
Skemmtilegur sandsteinninn:
Kex á leiðinni upp:
3D mynd af leiðinni:
Jæja, eftir að hafa misst úr síðustu helgi þá var farið af stað enn og einu sinni. Í þetta sinn vorum við bara nokkuð mörg, alls voru mætt Andrés og Júlli, Sveinn og Stefnir og Alfred og Ellen. Við höfðum ætlað okkur að fara í göngu aðra hverja helgi en slepptum síðustu helgi vegna þess að Andrés hafði farið í aðgerð sem hafði með öndunarveginn að gera. Einnig vegna þessa þá var ákveðið að fara stutt og á frekar lágt fjall - á endanum varð Helgafellið í Hafnafjarðarhrauninu fyrir valinu.
Hópmynd á toppi Helgafells:
Leiðin sem við ætluðum að fara í dag var þessi:
Leiðin sem við fórum var þessi:
Ekki nema vona að úrið væri sífellt pípandi eitthvað um að við værum á rangri leið :-)
Annars tóku strákarnir Andrés og Sveinn myndir í þessari ferð og hef ég ekki fengið þær til mín enn. Þegar myndirnar eru komnar í hús þá mun ég klára textann en þangað til verðið þið bara að njóta GPS skrárinnar sem ég er nú búinn að setja á Wikiloc - sjá hlekkinn hér til hægri.
Upphaflega ætluðum við að ganga á Húsfellið en á leiðinni upp í Kaldársel þá skipti Andrés um skoðun - dagsformið var gott og ákveðið að fara á næsta fjall við, Helgafellið, sem er dálítið hærra. Það er stutt keyrsla upp í Kaldársel í Hafnarfirði svo við vorum fljót þangað.
Húsfell (fellið sem við fórum ekki á):
Í þetta sinn hafði GPS leiðin verið niðurhöluð í Garmin úrið og átti að vera ekkert mál að fylgja því - enda ör sem bendir þangað sem ganga skal. Þegar við stigum út úr bílnum og hófum gönguna var hins vegar lagt af stað í þveröfuga átt við það sem úrið benti. Lærum við ekki neitt? Munum við ekki eftir ferðinni uppá Hengil? Hvað með það - göngugörpum Ofar hópsins fannst vera augljóst hvert ganga skildi, sama hvað úrið segði. Enda hlaut úrið að átta sig og á endanum myndum við lenda inn á sömu braut og hlaðin hafði verið á úrið. Það gerðist hins vegar ekki, alla leiðina benti úrið beint til baka - úrið var víst eitthvað svekkt yfir að við skildum ekki hafa fylgt leiðinni sem ákveðin hafði verið og vildi því að við byrjuðum uppá nýtt. Af ofangreindum tveimur myndum má sjá hversu mikill munur er á leiðinni sem í úrinu var og svo þeirri leið sem við gengum. Næst ætlum við að fylgja úrinu betur, er það ekki strákar? Sjáum til hvernig það gengur :-)
Panorama mynd af Helgafelli:
Á leiðinni lentu unglingarnir Stefnir og Ellen í sínum eigin ógöngum. Stefnir missti til að mynda vettlinginn sinn og þurfti að rekja sig til baka þar til hann fannst. Ellen fékk að halda í Júlla og notaði hann náttúrulega tækifærið og þaut af stað. Ellen lyftist upp, flaug nokkra metra og lenti svo á maganum á snjónum og dróst á eftir hundinum. Frekar fyndið. Áður en gengið er á fjallið komum við svo að dálítilli mýri sem hafði frosið yfir - en ekki alveg nógu mikið samt - enda duttum við í gegn nokkrum sinnum en enginn blotnaði neitt af viti. Stefni tókst þó að stíga í gjótu eða eitthvað, lyfta fætinum upp og þá var skórinn rifinn þvert yfir ristina svo sokkaðar tærnar stóðu beint upp í vindinn. Úr plastpokanum var því Sæmundur (mjólkurkex) rifinn og pokanum skellt á tærnar og héldum við svo ótrauð áfram.
Það var dálítill vindur og haglél en samt ekkert óveður svo við vorum fljótlega komin á toppinn og skrifuðum þar í gestabókina. Þar uppi gengum við smá hring og svo niður aftur. Breyttum aðeins leiðinni og fórum niður skemmtilegt gil og smá bratta. Ekkert hættulegt þó, bara gaman. Þegar við vorum komin niður þá voru allir sammála um að þetta hefði verið of létt - Andrési leið vel og var ákveðinn í að bæta vel í að 2 viknum liðnum.
Að lokum var keyrt í Hrímfaxa í Heimsenda í þeirri von að Júlli mætti fara þar inn með okkur í kaffisopa. Þegar þangað var komið var annar hundur þar sem varði sitt svæði vel. Eftir að hundunum hafði lent saman var ljóst að heimalingurinn yrði í bandi á meðan á heimsókn okkar stæði og Júlli kallinn var hafður frammi á gangi. Þarna fengum við mannfólkið þó sitthvað heitt í kroppinn, skonsur, flatkökur og hjónabandssælu.
Að því loknu voru allir sáttir og keyrt heim á leið.
Hinn hagmælti meðlimur gönguhópsins, Andrés samdi og sendi okkur þetta ljóð:
Þættinum hefur borist ljóð
Á Helgafell við hófum ferð,
hópur hress og heitur.
Gönguferð af bestu gerð,
glæstar fjallageitur.
Upp á fell við fljót flugum,
firnasterk og fim.
Upp um gil og grjót smugum,
við veðragnauðsins glym.
Stolt á toppi stóðum öll,
um stund við andann drógum.
Gleðistund og hlátrasköll,
já, mikið sem við hlógum!
Niður snögg við vorum svo
í svigi niður hlíðar.
Á annað fjall við förum sko,
áköf innan tíðar!
Andrés tók líka myndir á leiðinni:
Þegar áð var á miðri leið gáðu Alfred og Ellen að nestinu:
Júlli þarf auðvitað að fá eitthvað líka:
Fallegt hvernig snjórinn hefur fokið í sandsteininn:
Sumir fóru nú bara upp í gallabuxunum þótt kalt væri:
Hvar eru sparifötin, Sæmundur?
Fallegt yfir að líta:
Ellen með kassan utan af gestabókinni:
Alfred skrifar í gestabókina:
Stefnir kominn á toppinn:
Fallegt yfir að líta II:
Alfred, Ellen og Júlli:
Alfred, Ellen og Júlli II:
"Fallegt" útsýni:
Allir nema Sveinn (gettu hvar hann var :-)
Ellen uppi á Helgafelli:
Skemmtilegur sandsteinninn:
Kex á leiðinni upp:
3D mynd af leiðinni:
Comments